2009年8月16日星期日

Ding Ding


姊姊的朋友的朋友. 話說女的店舖關門大吉, 遺下六歲貓女一隻. 但主人的丈夫對動物敏感, 女子當然要老公不要貓. 貓女被送到動物酒店, 過著每天收費一百元的日子, 待得一日便是一日.

貓女的出路只有兩條: 一是讓人領養, 一是送到愛護動物協會. 但據說愛護動物協會不主張接收成貓, 不夠運的話, 貓女可能要人工魂歸天國.

當初收養蜜柑的時候, 曾經想過一口氣接收兩隻貓. 但無咁大個頭, 戴唔到咁大項帽. 幾年來都是一屋一貓三人行的日子. 姊姊問我們想不想救貓出生天. 可憐貓女被主人拋棄... 雖然未免會擔心貓會打架, 但蜜柑古古惑惑, 其實十分膽小.

據說這隻叫Ding Ding的貓女, 相貌跟蜜柑一樣 (體積比蜜柑小). 明天我們會去探望她, 且看大家是否夾得來. 若然成事, 蜜柑要娶老婆了.... 蜜柑, 你就認命啦!

5 則留言:

grace 說...

希望你今次添貓成功,令到可憐的小貓女可以有個家.
(講真, 我覺得貓貓一定唔會背叛你, 不過個男人喎...祝佢好運啦, 哼!!!!最憎d要人唔貓既"人"!!!!!)

Agnes Tse 說...

Grace: 貓都好現實架. 我試過係蜜柑面前"黑色暴雨", 佢一d反應都無.

匿名 說...

老妻少夫?

匿名 說...

祝密柑娶老婆成功:成個老襯,從此被困......

Sam

Agnes Tse 說...

蜜柑至少都有六歲喇.

冇咁易呀, 蜜柑同DingDing一見面, 簡直係雙雄爭霸 XP