2008年12月1日星期一

豬肝補氣看電視


無線台慶, 藝員衣香鬢影. 當時我便覺得, 這一台子的人, 關在廠內歌舞昇平, 外頭有幾亂, 漠不關心. (諷刺是陳志雲的「偽親民」節目《一百萬人的故事》, 獲頒什麼優秀節目獎). 我對網友說, 這簡直是狄西嘉 (Vittorio De Sica) 的《The Garden of the Finzi-Continis》(一個富有的猶太家族, 以為足不出戶便能夠逃避法西斯政府的迫害. 後來被押送到集中營, 所有成員家族無一生還) .

無 線當觀眾白癡是事實. 一方面製作錯漏百出、令人忍俊不禁的「膠劇」, 但另一方面又選購質素不俗的新聞資訊節目. 前陣子聽課, 一位主力負責策展的藝術工作者, 向我們極力「 推薦」《珠光寶氣》: 「套劇『好好睇』啊, 你地唔知咩? 電視台 (佈景組) set個藝術拍賣會場, 擺出黎既藝術品, 求其亂放一通、俾人休息既酒會房, 竟然set到好似宜家傢俬display.

我也有這個疑問: 劇集號稱用一億元打做, 但為何廣告時間前後的過場片段, 效果好像是Windows小畫家拼出來的? (但我知道, 無線預告片剪接, 遠比劇集出色) 但高登改圖組的質素, 比電視台的手勢還要好...


就是這個嚴重contrast的定格

《珠光寶氣》部份內容抄襲《飛黃騰達》(The Apprentice) , 但最滑稽是無線本身也有購買《飛黃騰達》在明珠台播放. 陳秀珠扮Donald Trump說話, 如Donald Trump知道, 一定哭笑不得. 看畢後, 吐出一句:「 直把觀眾當是喪屍─腦死亡 (Braindead)」. 叫觀眾睇正牌定A貨好呢?

雖然早知電視台愛抄襲, 但抄得如此不濟, 最可怕是觀眾還以為自己收看億萬元質素的節目. 今次真是要用豬肝來補氣了.

14 則留言:

Unknown 說...

我睇過一集, 三位男演員, 一位分別穿粉紅色運動褲, 一位穿紅色Tee, 另一位穿紫色外套, 但係餐桌卻鋪上紅色枱布, 顏色撞到飛起!

打燈方面, 又見過一場, 兩個女士係餐廳飲野, 一用近鏡, 竟然女士塊面一半光一半黑. 大佬呀! 你估去鬼屋咩!

我真係唔知D 大哥點樣打燈, 點樣揀衫?

gar~* 說...

無線依家d劇好無創意, 每套都總會好易搵到第d劇集o既影子~ 同埋又成日玩埋d小把戲, 例如突然加速呀, 加d九唔搭八外語配樂呀, 真係杜琪峰o個句: "騎呢怪"~

the sole of christopher eccleston chinese fan site 說...

下,agnes,呢部珠光寶氣拍了一億,你講真定講笑?

易堯文 說...

呢部戲真是放過我啦,樣樣都講到好似好得體咁,骨子裡其實咪又係婆仔戲。

唔好話我知商戰戲一定係男人先出彩,女人一樣寫得好好,但這套戲你俾幾多豬肝我補都唔惦

Agnes Tse 說...

李卓倫: "珠光寶氣"英文名叫The Gem of Life, 叫粉(腸)色生涯差唔多.... 黎姿做OL都囉Miu Miu, 鬼信佢家道中落咩.

Gar: 其實你唔覺得TVB劇集超現實得好緊要, 分分鐘仲勁過布紐爾同Ed Wood.

Shirlie: 無昆你, 套劇被稱為香港電影史上最貴既劇集, 到希臘, 西藏取景....

楊二蚊: 比喻真貼切! 可惜我唔愛食豬肝, 哈哈!

Agnes Tse 說...

shirlie: 據聞陳豪本身已打算在幾年後退出. 看這種時勢, 他走的是時候.

the sole of christopher eccleston chinese fan site 說...

看這部電視,我可以用坦白語氣跟你們講,全香港影視製作工作者真的給 alan 講中,他們要付出tvb 當年不捧歐瑞偉的代價。

the sole of christopher eccleston chinese fan site 說...

看到新聞,亞洲聘請王維基做主席。

呢件事已經證明,亞洲下定決心去追趕無線。

the sole of christopher eccleston chinese fan site 說...

因為上網機件故障,小妹只可以用 word 寫好後 copy 來寫。

我們會長看了珠光寶氣的片段,都替這班工作人員担心緊。她話,呢部電視劇做不到收支平衡,下一輪裁員潮,珠光寶氣的工作人員一定會榜上有名。

我們會長認為,tvb 有機會腰砍珠光寶氣,不知你們會否認同她意見呢?

the sole of christopher eccleston chinese fan site 說...

因為小妹電腦又遭人惡意攻擊,alan 已經對此現像忍無可忍,決意作出以下宣佈,

要是ang lee 套 taking woodstock 失數,他會將所有 sight and sound 前主編文章搬回英國,不再在大中華地區刊登任何文章。

Agnes Tse 說...

除非TVB找到更闊綽的廣告商.

Unknown 說...

shirlie: 不捧歐瑞偉真的影響如此嚴重?

the sole of christopher eccleston chinese fan site 說...

1) 在這個時勢,很難找到更濶綽的廣告商。
2) 無線不捧歐瑞偉證明無線只是一間找快錢的機構,不會注重培養人材。

不如你告訴我,捧一個千面演員易還是捧一位普通的男女主角易,我會好坦白跟你講,一定會是後者易。

我們大中華不是沒有人材,是欠缺了有胆色去錯,有胆色去嘗試的幕後人材。

自蕭笙去世後,香港沒有製作人敢去讓演員去試不同角色。

現在我看好三條窄路的導演,因為他有胆色,除了電影創作思維弱雞外,應該有機會為香港注入新動力。

Unknown 說...

自從九十年代, 香港各行各業都朝種樹晚切板, 人人都搵快錢, 只求短利, 不求長賺, 此與九七前人心惶惶都心態有關.

電視台和香港電影可謂關係何其緊密. 六十年電懋結業, 長鳳新亦不再開片, 電視台便吸納剩餘人才, 鳳凰演員鮑方和電懋導演王天林便是進入電視台的例子, 當然沈殿霞亦是.

電視台有了這班新力軍加入, 將電影技術及管理優惠引入, 亦使七八十年的電視台變得氣象萬千, 人才輩出.

電視台和電影界都是互惠因果, 荷李活, 歐洲, 全世界皆是. 電視台一死, 電影都不會好得去邊; 電影一瓜, 電視台亦難而幸免.

大家睇下香港電視台點樣, 你咪知香港電影有幾死囉!