2010年2月26日星期五

第34屆香港國際電影節心水 (更新版)

追逐電影節已有十一年的日子, 每一年都視電影節為重大事項, 比吃飯、睡覺、玩樂、財政預算案重要. 要在短時間內計算自己對哪些電影的題材有興趣、自己的能力 (精力和財力) 應付與否, 心態好比一場關乎自己前途的公開考試. 可能有朋友會覺得『駛唔駛咁嚴重呀? 睇場戲之嘛』. 我的妹妹講過: 『你的生活長久以來一直存在這些東西. 一旦剔除, 你一定無法忍受』. 知我者莫若手足. 可能因為這樣去想, 我會有點辛苦, 但也值得.

因為人已長大 (其實是年長... ), 身份不再是年輕小影迷, 慕名觀摩奇趣怪雞電影 (下場是『乃野』!) , 反而轉移視線, 集中目標去欣賞一些出土經典. 我不是想讓人知道自己品味有幾high, 只是這個地球上有很多光影遺蹟需要我們去發掘. 作為影迷或研究電影的人, 你總不能一生都在講小津、《小城之春》吧.

以下是我暫時擬定的片目:


25GC3E1 金髮奇女子 ─ Manoel de Oliveira 迪奧里維拉 (睇相點似一百歲?) 是電影節首席常客, 過往都沒有看過他的電影, 希望這次遲來的嘗試是美好的.


02KG4M2 六美八陣圖 ─ 本來對韓片沒甚興趣, 但此片陣容可媲美《八美千嬌》. 還有女星化身八婆互相數臭對方. 呵呵呵. 怎能錯過.



02KG4E1R 孔夫子 去年已欣賞過, 今年再看, 理由有二: 一. 修復版; 二: 絲士打我家姐因工作涉及咬文嚼字, 有興趣看. 再者, 家姐與友人看罷《孔子之決戰春秋》, 提到《孔子》也有一個舊版本 , 那友人的回應是:『係呀? 等我上網download黎睇先』. 激到家姐生蝦咁跳.


03KG4E1 紅菱豔 ─ 紅鞋雖美豔, 鮮紅如警號. 小學生時代看兒童圖書《紅鞋子》, 最印象深刻是女主角不能自控, 雙腳舞不停, 最後央求劊子手斬下自己雙腳! 雖然影片不是跟足安徒生的原著, 單是那些跳蹈場面, 已經很吸引.


03SP4E2 淺草之燈



04SP4E2 緊張大師的無間地獄 ─ 之前看過有關片段, 真係嚇到窒一窒. 難以墨筆形容羅美雪妮黛 (Romy Schneider) 的神秘美! 出自《浴室情殺案》導演之手, 不叫幻之名作是甚麼? (後來查布洛買下《L'enfer》的劇本拍成同名電影)


04CT4M2 獨裁者的情婦 ─ 單看介紹已有興趣. 據悉此片在康城被《白色恐懼》(Das weiße Band) 擊敗, 但導演叫做馬可貝洛奇奧 (Marco Bellocchio), 失準極有個譜. 家姐想睇既第二套電影.


06GC4M2 芋虫 ─ 俾我估中,《芋虫》在電影節有份播映, 相信上正場機會微乎其微. 若松孝二講明無錢做CG, 演員真正古法炮製. 家姐想睇既第三套電影.


09AC4E1X 55年的夫妻 ─ 四套Guru Dutt, 點都要睇哂. 喜劇是Guru Dutt早期路線, 難得兩位大演員碰頭合作. 女主角Mahdubala是Bollywood經典女明星, 是第一代被荷里活看中挖角 (不遂) 的Bollywood女演員, 銀幕下卻命途堪苛.


11AP4M2X 求之不得 ─第二套估中片目, 真係求之不得! Guru Dutt 正式力捧Waheeda Rehman之作, 必睇.

 
24AC4M3X 紙花 ─ 第三套估中片目. 如果你只可以選看一套Guru Dutt, 《紙花》不作二選. 可惜戲裡戲外盡是悲劇, Guru Dutt成也《紙花》, 敗也《紙花》. 必睇.



01AC5E1X 老爺太太僕 ─ 曾經入選柏林影展和角逐奧斯卡最佳外語片, Guru Dutt御用編劇Arbar Alvi 執導, 成就Guru Dutt最後一擊. 雖有Waheeda Rehman參演, 但真正女主角是有The Tragedy Queen之稱、四屆Filmfare Awards影后Meena Kumari . 不幸是她跟Guru Dutt及Madhubala 一樣, 現實裡頭慘淡收場.  


02SP5E1X 鄰家的八重 ─ 佐藤忠男曾讚《鄰家的八重》表演生動自然, 是觀察日本上世紀20年代小市民生活狀況的上佳參考作品. (Youtube上竟然有人上載兩位女主角─逢初夢子高杉早苗 (圖) 在八十年代接受回憶松竹蒲田的訪問片段 !)

7 則留言:

瑪嘉烈 說...

Agnes 姐,我仲未揀好.... 好多都想睇,但奈何體力同耐性及身家實在無法令我可以好似以前咁一日睇幾場....

Agnes Tse 說...

瑪妹:我都無辦法連睇幾場, 寧願睇一場返屋企抖抖再黎過. 同埋我選既片目唔係集中電影節開端, 年年如是, 真奇怪.

我估我唔會睇哂島津保次郎既所有電影... 套套都係代表作, 叫我點選?

遺憾係睇唔到龍剛電影. 我住屯門河, 不是西灣河!

sonuscat 說...

前衛短片選輯(三):路易斯卡拉 + 龍剛 都博即場

訂票部份
感情線上腦交戰
戀戀耶穌
野草
黎巴嫩
春琴抄
孔夫子(2010年最新修復版)
芋虫
這事不能說太細
悲傷草原
時光微塵
比爾布林頓自選集
贊祿西 X 4
紙花
鸛鳥踟躕
尤利西斯的凝望
霧中風景
老爺太太僕人

Sonia 說...

我最癲ge時候試過一日睇3場, 但真係極限.

匿名 說...

Agnes,你好~今次係小妹第一次留言,請多多指教~

我想問下今次電影節總共有幾多套印度片上映?我只知有 3idiots,你提及0既guru導演果2套~仲有冇其他片上??

thanks!

Cecilia

Agnes Tse 說...

Cecilia: 如你所見, 除了你提及的, 沒有其他印度片上映. 除了一套已在亞洲電影節放映過的Delhi 6, 在Megabox上映.

gar~* 說...

喂喂買o左飛喇~
其實島津o既 "鄰家的八重" 同 "婚約三羽鳥" 都放過出o黎, 有興趣下次俾你~ =]