2009年12月12日星期六

貓貓糞尿譚

養貓, 就預料要親手清理他們的排泄物. 貓糞尿餅, 早已習以為常. 有時候, 勞動時安慰自己: 「掘沙」都好好玩, 搵到「寶藏」就當贏....

蜜柑與叮叮, 一雄一雌, 排泄習慣自然不同. 蜜柑如禪院鐘聲、 叮叮如大河奔流.

老實說, 我覺得蜜柑「開大」的場面最精彩, 甚至要爭頭位當睇電影. 蜜柑一面凝重, 穩紮馬步, 滴, 督, 滴, 督. 蜜柑知道有人在旁取笑他, 寧可死忍. 他的表情就更滑稽了.

叮叮則恰如其鬼祟作風, 無人知道她何時去廁所. 她習慣大量飲水, 偶然聽到水聲瀝瀝, 就意會到是叮叮在「放水」.

蜜柑食量大而少飲水, 叮叮食量少而多飲水. 是否「男女有別」, 不得而知. 只知叮叮的「前夫」某次到寵物酒店寄宿, 不習慣陌生環境, 忍尿過度下, 導致腎衰竭而亡. 看叮叮臉色, 她的確不是一隻忍氣吞聲的貓女!

不過, 最難攪的, 是叮叮的嘔吐物 (偷吃蜜柑糧) . 明知食完會嘔, 嘔完又食. 叮叮真的不會忍. 難怪蜜柑的鼻頭. 都被她抓到花斑斑.

6 則留言:

naruto 說...

忍尿忍到死左,點可以咁硬頸㗎?

死左上天堂,比人問你點死架,點答呢?

Agnes Tse 說...

所以叮叮絕招就係瀨尿!

wing 說...

我不明白為什麼叮叮偷吃蜜柑的貓糧是會嘔的.由於食物敏感?

瘋膏 說...

瀨尿?
貓女愛乾淨都瀨尿?

我估公貓係少飲水的, 我的gogo不太飲水;相反貓女豆豆會飲很多。

Agnes Tse 說...

wing: 叮叮可能貪得意, 又或者存心報復蜜柑成日騷擾佢.

瘋go: 叮叮一驚就會開水喉...

Agnes Tse 說...

wing: 忘了說, 蜜柑吃的大粒糧, 不適合叮叮吃, 她要吃細細粒那種. 每次叮叮吃掉蜜柑的糧後, 會完好無缺吐出一粒粒糧回來.