2009年12月30日星期三

芋頭VS火雞

近日叮叮得了一個綽號「火雞」, 原因是我很喜歡摸她的肚皮, 又細又滑, 稱之為「磨砂肚」. 叮叮在暖爐前, 施出一招「釀火雞」讓她駛出渾身解數, 展現最可愛性感的一面... 我邊摸邊喊: 「火雞火雞火雞」, 而家姐擁著貓公蜜柑狂叫「芋頭芋頭芋頭」, 蜜柑真係幾似一舊未去皮的大芋頭. BTW, 叮叮愈來愈挑食, 見到主人有煙火腿食, 立即請「可愛神」上身, 精靈得不得了.

入冬後, 叮叮心廣體胖, 愈來愈親近主人. 我係承認, 個心有一半俾左叮叮.... 蜜柑大概知道自己有點失寵, 悶悶不樂, 醋意大發, 經常對叮叮拳打腳踢, 令叮叮妖聲連連. 蜜柑衰到搗亂洩憤, 一手將我放在櫃上的Sarah Coventry胸針掃落地, 鑲嵌幾十年的琺瑯就此四散.衰貓, 主人有仇必報呀!




兩隻貓一齊嘆暖氣... 留意蜜柑在第二張照片的表情, ... 我地笑到收唔到聲!

4 則留言:

wing 說...

雖然蜜柑搗亂洩憤, 將你的Sarah Coventry胸針掃落地, 但係歸根到底, 係你偏心所致, 放過蜜柑一次吧.

Agnes Tse 說...

wing: 我係有d偏心, 不過見到蜜柑, 點忍心兜巴星呢?

瘋膏 說...

請多些post 2貓照片吧, 工作時看到會很開心, 謝謝謝。

Agnes Tse 說...

瘋go: 快了, 今晚佢地會上blog. 敬請留意.