2008年1月16日星期三

小雙俠王道復古


「嗚嗚...汪汪汪! 」日本方面宣布開拍《小雙俠》(Yattamanヤッターマン) 真人版. 戲未有得看, 唯有靠─王道復古!


其實筆者也不清楚香港何時播過《小雙俠》, 但總是對這些舊日本動畫很有一份親切感.





香港中文版主題曲

同場加映:

原裝Opening (唱腔一絕)

《小雙俠》動畫官方網站

13 則留言:

gar~* 說...

呢套好似係三池崇史執導?!
最近日本電影咁鍾意懷舊o既?
繼楳圖一雄d漫畫, 鐵人28, 鬼太郎, 依家就到小雙俠~
其實我想睇Q太郎真人版!!

Agnes Tse 說...

咪就係三池叔囉. 睇黎日本都鬧梗劇本荒, 不斷發掘舊料重拍.

Donald Kwan 說...

嘩, 我小時候勁愛小雙俠架....謝謝勾起回憶.....噢, 話咗比你聽我都唔細添... :D

Agnes Tse 說...

當奴哥深諳日語, 可以請教一下OP歌詞既大意嗎? (當然我知道Yatta點解XP)

小雙俠睇落好似一套普通卡通, 但日本人鍾意小雙俠鍾意到要翻拍重播, 真係有番咁上下份量(人物設定係天野喜孝呀!). 日本某處曾經選出一百大動畫人物, 果兩位肥瘦壞蛋都榜上有名架.

Eric Spanner 說...

如果冇記錯,《小雙俠》1982下半年至1984上半年期間,o係無記播過。

歌唱魂 說...

歷史悠久的龍之子幻影時光系列開山作品也明明不是YATTAMAN, 但YATTAMAN總是最受歡迎的一套.
香港碰巧就是播了這套, 是當時小孩子的福份吧.
此系列音樂全由山本正之負責, 他的動畫歌曲時混合演歌和傳統兒歌風格. 有別當時最流行的熱血超人/機械人劇場歌曲.

Agnes Tse 說...

歌唱魂, hello! 你是如何找到這裡的? ^^

歌唱魂 說...

agnes你好.
我最近常在啃松本清張的小說. google出你舊blog關於砂之器的文章. 來到你新blog, 竟又見你講及我另外一個大興趣-----動畫與動畫歌(尤其是老的 XD).
初時還以為是台灣朋友吧? 香港人寫關於日本電影, 尤其是比較舊一點的比較少嘛 (除了舒明,湯禎兆!?). 不過再看下來似乎同是香港人呢.我是甚麼電影也喜歡, 不過最近都集中找舊片. 在你這裡逛得很開心, 很羨慕你這般流暢的文筆與見識廣博呢. 我看完電影或小說, 千言萬語總是念頭太多不能好好寫下來, 也怪自己太懶, 很多時總想快快便能寫下當個紀錄就算.

Agnes Tse 說...

歌唱魂san: 對, 光影回憶的Agnes就是我了. 多多光臨!!

Gertie-Yunis 說...

細個時聽過小雙俠, 但就未睇過.
好掛住Q太朗添!

Spring 說...

小雙俠係第一套留係我腦海既卡通片,我記得我日日拉定櫈仔等睇,日日都等壞人俾小雙俠收拾,好似睇機械人片日日都係等佢變身咁,係我最鐘意既卡通片之一.......但你竟然話唔知佢幾時係香港播過.....咪就係你仲係宇宙裡面既一粒塵埃既時候囉......其實我都唔係大你好多姐.....>_<

Agnes Tse 說...

Winnie, 你係"前輩", 俾你教訓我都無說話好講~~~正如網友消息所提供, 小雙俠係82至84年係香港播放既話, 我應該都未識睇電視喇! 我勉強記得最耐既好似係"怪物小王子", "千年女王"呢d.

匿名 說...

yeah!!!!終於都等到櫻井翔喇~~
雖然已經買左dvd睇
但係只要有a團既戲0係香港上
我都一定要支持
ヤッタ~ヤッタ~ヤッターマン