2009年4月23日星期四

What's McGum?


偶然會在Blog講講蜜柑的逸事. 原來自建立這裡以來, 都沒有正式介紹過他.

蜜柑芳齡幾多, 老實說, 我不太清楚. 領養時, 前主人說兩歲, 我這邊硬要說一歲半. 由05年起結束土瓜灣牛棚的「周圍瞓」野戰生涯, 「上樓」到屯門, 至今已經渡過五個寒暑.

年資絕對稱得上是中年人, 但蜜柑的言行舉止沒有隨年齡增長而改變: 膽大包大但膽小非常... 鍾意匿入衣櫃... 鍾意聞人臭腳, 仲要搵臉大力摔... 為任何罐頭狀物體發狂... 主人食魚, 我又食! ... 無故伸脷... 坐電視... 有水唔飲去飲廁所水 (浴室的水) ...



三年前的照片. 可以瞓成咁都可謂萬中無一...

蜜柑初到步時, 經常攤在地下翻來翻去. 可惜經我親自送他去絕育後, 這項絕技已差不多失傳. 留下一段領養前由前輩友人拍下的片段:




去年修Painting一科, 要畫一張油畫當final功課. 本著玩野心態, 想把蜜柑畫到像林布蘭 (Rembrandt) 的自畫像一樣, 由於技術和時間問題未能完成, 就這樣擱置下來. 朋友說畫得蜜柑可愛, 我就不太滿意, 只有眼仔碌碌和粉紅貓鼻最似. 心想, 不去完成油畫也是好的, 至少可以保留當時的手勢. 油畫現放在客廳牆上. 只有人將自畫像掛出來, 而貓就...




點解叫蜜柑? 阿妹話「蜜柑」(みかん, Mikan) 叫落好聽. 某次連累蜜柑感冒, 抱他到流動診所求醫, 工作人員居然好醒目將蜜柑英譯成「McGum」, 名符其實一舊Gum. Mr. McGum, 你走唔甩喇.

4 則留言:

瑪嘉烈 說...

AGNES, 你響邊度學畫畫?係咪油畫嚟架?

Agnes艾麗絲謝 說...

瑪嘉烈: 我在香港藝術學院Hong Kong Art School兼讀Higher Diploma in Fine Arts. 不過沒有修Painting為Major. 我選了Sculpture.

是油畫來的.

瑪嘉烈 說...

如果純粹想學油畫,有冇好介紹?

Agnes艾麗絲謝 說...

瑪嘉烈: 視乎你想畫成點. 如果畫靜物寫生既, 中大校外進修課程或其他院校舉辦既課程應該滿足你基本需要. 如果想學得Artistic, 藝術學院都有呢類短期課程. 師資唔差. 再唔係搵人專門教, 比起學校齋教理論更有用. 我班同學都認為搵"師傅"仲好過學校教, 當然, 學校搵人教我地"點樣去畫", 多過"點樣畫靚一張畫".

石硤尾賽馬會創意藝術中心 (JCCAC) 都有好多呢類匿埋畫既畫家. 教坊都可能有. 逢星期六仲好似有人攪一個開放式畫坊, 歡迎任何人去畫畫交流一下.