2008年10月11日星期六

What 's wrong with me?

資深影迷網友琛哥從blog得知我與譚家明絕緣, 特意來電願意協助. 因為公私兩忙, 只好推辭. 與琛哥密密斟時, 剛剛經過油麻地bc, 順便取回數月前早該領回的新會員證. 想起早陣子, 一位同學得悉我久未看電影, 大表驚訝和可惜─ 我在班中是著名的影癡. 原來, 我已經好幾個月沒有到電影院去.

上映電影確是少捧場了. 一來自己遷就不到時間, 二來戲碼沒能吸引我. 其實我並沒有減少看電影, 只是換了另一渠道欣賞 (即網友的私人醒和那堆"Chungking Express"). 但朋友和同學都間接提醒了自己: 你沒有到電影院去!

是因為人懶惰, 還是因為現在的電影不好看?

近日我經常埋怨: 不想花時間去做沒有效率的事. 如用數小時去準備幾口飯菜、長途跋涉, 遠赴某間精心菜館. 數星期前我還歡天喜地想做這些事, 現在, 我很倦. (雖然我把在深夜時份吃伊藤家的cheese cake當作是享受)

會否是工作影響了自己的生活節奏和態度?上司口邊掛著的"first priority" (多得他們, 我的發音好標準), 似乎對我起了下咒的作用. 是不是工作攪到我無哂興致? 說實在, 我還間歇性收看《少年四大名捕》和《與敵同行》, 當作是減壓.

對我而言, 到電影院看電影猶如抽大麻, high到痺的最高享受. 可是連那些不看枉為影癡的影片, 我都錯過了, 心裡並無當十年多前與增村保造失之交臂的懊悔. 一個月前, 我還可以在一個晚上連看三套市川崑. 現在....

25 則留言:

匿名 說...

有冇咁邪...
我打比你之時正是我離開 bc 果刻。

Agnes Tse 說...

之後我入左夏銘記食麵. 真係咁橋?!

the sole of christopher eccleston chinese fan site 說...

agnes, 無事嗎?

我今年少看電影,因為去年套 the dark is rising 過於垃圾,絶對影響我心情。

gar~* 說...

我最近唔係無興趣睇, 只係無興趣寫 XD
唔o岩不如下次相約睇o下戲?

易堯文 說...

有時候總是沒心情去做一些曾經瘋狂的事兒,時間長短不一,我也試過。

但近排的確少看電影了,不知怎麼樣,總覺得躲進黑漆漆的世界,有點受苦感。

Unknown 說...

咁大家有冇睇舍蘭呀? 我連畫皮都未睇!

Agnes Tse 說...

李卓倫: 屋企人睇左畫皮. 張皮無甚作為, 可以收番!

Garrick: 等你去左東洋再榮歸先啦~

楊二蚊: 我沒有受苦感, 只是副engine沒有動力...

匿名 說...

我係由 bc 行返去廟街果邊 ...

真係 向左走向右走 XD

Unknown 說...

不過點都要睇下張皮! 睇下合拍片點屎法!

Agnes Tse 說...

李卓倫: 我唔明點解甄子丹又係正中間 XP

the sole of christopher eccleston chinese fan site 說...

畫皮不是看故事,是看周迅。

現在潮流興看海角七號,不如約埋一齊去看。

Agnes Tse 說...

如果看一套電影只為了一個演員的"舉止", 還有什麼意思?

愈是潮流興, 愈往僻處行. 我連2046都未看過.

mysimplelife 說...

我都有相同情形...對上一次入戲院已經係Get Smart....
我諗係咪年齡令到我睇戲少左, 以抑或有其他因素呢?

Agnes Tse 說...

現在的電影每況愈下....

gar~* 說...

今次亞洲電影節新片我都只係揀o左黑澤清同Ceylan, 其他都係睇舊戲~ 不過原來PIA幾套拎獎學金拍o既舊戲都幾勉強...

Unknown 說...

個套畫皮, 真係......
聊齋簡化成港版四角戀故事, 而且攝影機經常對焦不準, 調度失誤屢見不先, come on!

睇完都谷著幾日!

grace 說...

我都有同樣情況, 再唔會好似以前咁不分晝夜睇戲. 今年亞洲電影節我都冇買飛, 反而譚家明電視展差唔多睇晒. 主流電影會好d, 因為有insight pass, 唔睇會蝕底.
唔知係人老左定係懶左,有時甚至寧願用成個星期日下晝陪兩隻貓訓覺.
總之就係個人好懶好懶, 連blog都唔想打. 可能因為由朝到晚都俗務纏身, 好想係每晚僅有既休息時段 hea 下,俾個人休息下.

Agnes Tse 說...

grace: 真羨慕你...錯過了一次, 等了十年, 依然看不到譚家明!

Eric Spanner 說...

於我,有心力o既時間少o左,我個分部約半年前縮人,感覺多o左o野做。因而週一至週五唔係「必要」(即係最「大」o個個電影節)或興之所至,都唔睇片。

少睇,漸漸會覺得片碼未必吸引,又會覺得係咪而家睇都冇所謂,覺得實有機會。或者遲下有機會得閒o的,又多睇幾部都唔定。

ps 早前出埠玩o左一排,目的地好多街貓,會執貓相集以饗貓迷。

Agnes Tse 說...

睇黎呢排大家都冇乜mood.

電影節換左協會總監. 新上任的邵淑慧據聞籌辦電影節經驗豐富, 希望在來年一改數屆的頹風.

Unknown 說...

我有好多片都未睇, 屋企存貨已突破三百, 但係睇極都睇唔晒, 好想睇多D

屋企書架早前曾經倒塌, 差D無命. 買書買碟停不了, 睇書睇戲好似搵命搏, 以有涯隨無涯, 睇極都睇唔晒!

Unknown 說...

另外, 其實揀片的話事人是李焯桃, 佢呢幾年D片都揀得幾屎. 早幾期《香港電影》的訪問, 佢直言揀片要有media報為主, 這樣才可以吸引多D不是電影節的人入場.

我真係嘔血, 原來揀片不是以質素為標準, 而是以media有多報導為主!

我有時覺得好似變得可有可無電影節. 電影節無咗以前咁教育下一代睇戲的功能. 如果我想睇《再造人之戀》、《愛情萬歲》, 我洗Q人逼逼入場睇咩!

如果黃國兆唔係同李焯桃炒大鑊, 多個人揀片可以質素無咁差!

Agnes Tse 說...

電影節家陣應該都揀梗片. 其實電影節小眾先有價值. 發大左, 同係戲院上有乜分別? 情況好似如果上海有迪士尼, 同胞們駛鬼黎香港迪士尼?

自私D都要講句...電影節係朝聖, 唔係國際綜藝合家歡. 你可以話香港人普遍水平低, 大把人有興趣炒股多過睇戲, 電影節商業化,呢首哀歌已經唱到喊哂口.

我睇戲買戲都冇以前咁癲, 屋企有一批三年前入既, 到依家仍然的唔起心肝睇. 人窮志短, 唯有另僻途徑睇好戲. 好在有探子幫忙咋!

我個書架(dvd) 都起哂釘, 捱得幾耐就幾耐!

Unknown 說...

電影節揀片不以質素先行, 只求媒體報導, 始早得罪我地呢D幫襯多年的熟客仔. 我近年係買電影節飛之前, 一定問D friend, 呢套有無碟? 現在無以前咁積一定要入場睇戲!

總有friend係電影節開始前, 行一下老廟做定research, 費事浪費金錢又逼人入場睇戲.

the sole of christopher eccleston chinese fan site 說...

畫皮受歡迎,香港演員就越大鑊。

agnes,可能你不知美國班觀眾的電影口味。

全美國只有一個演員可以叫班觀眾不理是否垃圾片,都要入場去看他的演出。

他的名字叫做 kevin spacey。

一位演員不單孭得起成套戲,而且可以令到班觀眾因為演員而入場,這就是 value-added actor 的價值,也是製作系最值錢的演員。

最近期的例子就是 christopher eccleston 的 the dark is rising 。