2011年1月31日星期一

略談第56屆Filmfare Awards賽果

Filmfare》是印度規模最大出版商The Times Group 旗下的電影雜誌, 自1954年開始舉辦電影頒獎典禮, 與印度另一著名電影獎項National Film Awards 同年成立. National Film Awards由政府官方頒發, 歷來地位比Filmfare Awards更具權威性. Filmfare Awards 則可反映電影與影星受觀眾歡迎的程度. (Filmfare Awards泛指Bollywood區域的電影, Filmfare旗下還有以南印度地區影片而設的Filmfare Awards South)

去年不太留意Bollywood動向, 但仍然好奇想知道第56屆Filmfare Awards的結果: 從提名名單與得獎者可知Bollywood 「出入」 (In/Out) 情況.


Bollywood 鹹魚 Salman Khan 吸收南印度電影拍攝手法、連同弟弟Abraaz Khan及弟婦Malaika Arora Khan 監製的《Dabangg》(暴烈刑警) 獲最佳電影 (Best Picture) , 不禁眉頭大皺. 誠然《Dabangg》票房報捷, 但不等於Salman Khan可以一掃數年來的頹風. 論故事《Dabangg》沒有特別之處 (去年Filmfare 最佳電影《3 Idiots》便有創意得多) , 得到Best Picture也不過是Filmfare肯定影片的票房, 多於影片的質量. 《Dabangg》一開, 南印度電影的誇張風格在Bollywood勢必成為濫觴. 恐怕Salman Khan的「匹夫之勇」將會一發不可收拾.




最佳男主角 (Best Actor) 由Shahrukh Khan的《My Name is Khan》(阿Khan正傳) 奪得. 再三冧莊的SRK, 相信沒有人會反對 ─ 除了Salman Khan. Salman Khan 自《Dabangg》旗開得勝後, 不改其衰多口本色. 先是對SRK、Katrina Kaif 等合作過的演員多番譏諷, 再無理針對與他們合作的演員們. 更對前度女友Aishwarya Rai 的新作《Guzaarish》窮追猛打. 先批評影片不濟, 再批評此片導演Sanjay Leela Bhansali 拍片手法差勁 ( Bhansali 以打造華麗場面及360度旋轉拍攝手法聞名. 但他的首套電影卻是由Salman Khan當男主角) ...



Aishwarya Rai 跟 Hrithik Roshan 再度合作的《Guzaarish》叫好不叫座 (有說此片部份抄襲Christopher Nolan 的《The Prestige》) , 在Filmfare 更是慘食白果. Aishwarya Rai 與 Hrithik Roshan 去年的電影表現一般, 不論前者夥拍名導 Mani Ratam 的《Raavan》或後者的《Kites》, 票房及口碑都不理想. Hrithik Roshan一向保持水準, 一兩套失敗作不會影響他的事業. 倒是真正擔心Aishwarya Rai 與Sanjay Leela Bhansali , 他們吃掉老本, 已經不可依賴昔日的聲勢, 尤其是連番失利的Aish (玩懷舊的《Action Replayy》劣評如潮. 她對上一套成功的影片, 已是兩年前的《Jodhaa Akbar》) . 也許她心知不妙, 趕快轉移陣地, 開拓南印度泰米爾 (Tamil) 的市場.



最佳女主角 (Best Actress) 由《My Name is Khan》SRK的好拍檔 Kajol 奪得. 觀看提名名單, 覺得只有Vidya Balan足可匹敵. 去年成為Filmfare影后的Balan, 憑《Ishqiya》獲得影評人最佳女主角獎項.



空有造作本色的Kareena Kapoor 憑《We are Family》獲最佳女配角. 影片翻拍荷里活的《Stepmom》, Kareena Kapoor飾演Julia Roberts的角色. 很怕看Kareena Kapoor的電影, 她靠家底在Bollywood影壇上呼風喚雨, 但戲拍得一部比一部差.

而今屆Filmfare Awards的大贏家, 不是《Dabangg》也不是《My Name is Khan》, 而是獲最佳劇本, 最佳故事, 最佳攝影等獎項、曾入選康城影展「一種關注」(Un Certain Regard / A Certain Glance) 、在香港亞洲電影節放映過的《Udaan》(青春不悔) .



6 則留言:

Sonia 說...

well.... Salman Khan己經"黎料". 佢跟住落黎ge戲, 全部都係南印電影改編. 有Ready, Bodyguard同Kick(仲係傳聞, 希望唔好成真).Ready係同Asin, 係斯里蘭卡拍攝, 搞到Asin差D係Tamil影圈唔洗再玩.

Salman Khan其實串Sanjay Leela Bhansali係因為人地唔肯同佢開戲....

Ishqiya聽講係好好聽, 不過我自己都未睇. 但我覺得Kajol拎最佳女主角都實至明歸, 起碼我MNIK喊足成個下半場, 都係因為Kajol.

Kareena Kapoor其實可以好戲, 但佢真係要少D明星ge自覺.

Aish地位己經超越票房成敗. 不過睇得多會厭.......

Udaan未睇....

今年Bollywood真係麻麻. 希望下年熱鬧D.

Agnes Tse 說...

Asin 發生乜野事?

未拍Black之前, SLB構思一套宮廷三角戀故事, 想搵Salman Khan, Rani同Kareena Kapoor主演, 最後計劃流產. SLB d戲咁大成本, Salman Khan應該知佢一定搵到當紅cast先開戲. 我都知佢小器架啦.

如果Kareena Kapoor唔係擺架子, 我唔會咁討厭佢.

的確Aishwarya Rai地位無可動搖. 就算後起的Rani或Vidya Balan都唔同路線. 不過見佢係Endhiran同初出道冇乜分別...

Sonia 說...

話話上年IIFA去Sri Lanka首都Colombo搞己經搞到滿城風雨. 因為Sri Lanka多年內戰, 南印Tamil Nadu一直支持斯里蘭卡泰米爾人. 所以上年所有南印明星加上北印大明星都避席, 以免得罪Tamil影圈.

但Salman Khan有份出現, 仲一副親善大使ge樣. 之後仲決定要Ready劇組重新搬到Sri Lanka拍攝(本來係非洲定唔知邊度....) 咁Asin係Tamil影圈出身, 比人圍攻到差D以後唔洗再拍戲.......

Agnes Tse 說...

Salman Khan 都係小心d好. 唔係人人都好似 Hrithik Roshan有Manisha Koirala幫手! (誤傳Hrithik Roshan反尼泊爾, 尼泊爾果邊激進派聲言要殺佢, 老豆係前尼泊爾總理的Manisha Koirala即刻幫佢澄清) 而且印度黑勢力驚人, Sanjay Dutt幾辛苦先洗底成功.

Sonia 說...

Sanjay Dutt唔抵可憐.

我之前睇一本書關全世界不同黑幫. Sanjay Dutt當年支槍, 的確係同孟買恐怖襲擊物資黎自同一個貨櫃..... 而Bollywood同地下勢力ge連繫又人盡皆知.

匿名 說...

新年到了,衷心祝福你們,爆竹兔年報,鈴響祝福到:郎才女美貌,財神向你靠;事業步步高,周身喜氣繞;闔家身體好,宅第福星照;吉星高照,天天歡笑;多多鈔票;生活美妙;健健康康;青春不老;一年更比一年好!