2009年7月16日星期四

SUMMER IFF 2009

今屆SUMMER IFF片目穩中求勝, 並無意外驚喜. 倒是一些經典舊作重新出爐, 又是時候出動.



年前因病放棄觀看《牯嶺街少年殺人事件》, 今次連同《悲情城市》一併放映. 人人都識得講台灣九份是《悲情城市》取景地 (結果九份讓遊客玩到爛) , 又有誰真正看過這套可以在三十分鐘內聞風不動的電影? 比起《牯嶺街少年殺人事件》, 我對正宗的《悲情城市》更有興趣.




石琪嫌《孔夫子》悶藝, 引來舒琪數落臭罵. 《小城之春》一氣呵成新舊對照. 照計將經典原封不動再拍一次, 定必遭人詬病. 《小城之春》卻例外, 影迷影評人都愛屋及烏: 行雲流水的詩意....(一切都在49年後徹底改變)

實在懷念前兩屆的吉田喜重. 上屆的市川崑電影回顧也不錯. 然而HKIFF相隔不到半年, 再度翻炒市川準, 更無端來個市川崑vs市川準. 得閒無事做乎?





Barbette's Feast》(芭比的盛宴) 是1987年奧斯卡最佳外語片, 改篇自丹麥女文豪Karen Blixen (筆名Isak Dinesen) 的作品, Stéphane Audran (不再是查布洛太太) 主演. 小時候在《讀者文摘》上閱讀這套電影的幕後故事. 隱世女廚神將彩票獎金盡地一煲, 煮出豐富盛宴招呼親朋. 最有趣的要算是導演Garbiel Axel找到Stéphane Audran這位烹飪高手 (布紐爾也讚不絕口) 親身下廚 , 當真是高手過招.



數月前曾介紹Isabelle Adjani久休復出之作《La journée de la jupe》(Miss發狂). 這次有幸選映, 也是近年來觀賞Isabelle Adjani (發爛渣) 的罕有機會. Miss發惡, 豈可不看.





Bollywood部份, 其實比較失望. 雖說有Ashkay Kumar的《Singh is Kinng》(星Sing王, 翻譯片名又一力作) 和SRK+Irfan Khan+Icon Girls的《Billu Barber》(巨星唱好飛髮佬) 迎戰, 其實本人認為電影節單位選片口味甚差. 還以為假斷背的《Dostana》會榜上有名呢! 電影節單位仍以騎呢為選片先決條件. 觀眾的損失!《Singh is Kinng》得啖笑, 劣評如潮、《Billu Barber》買了碟仍未開封. 這次就不打算到電影院欣賞Bollywood 電影了.

最後決定選看《芭比的盛宴》, 《Miss發狂》及《悲情城市》.

7 則留言:

14kgangster 說...

想問下,唔知Agnes之前睇過"悲情城市"與否?

我就超鍾意侯導呢部作品.

Agnes Tse 說...

沒有看過, 所以想看就是.

gar~* 說...

今期都係睇舊片多呢~ 又想睇o下菲律賓套 "kinatay" 有幾激 =]

匿名 說...

看到今年兩部Bollywood電影真的很失望...

Singh is Kinng - 上年一部"從印度到中國"已經見識過,Akshay Kumar的喜劇雖然在印度賣座,但那些笑位在香港未必受落,而對於未看過印度電影的觀眾,此片更有可能影響他們對Bollywood電影的觀感...

Billu - 掛名SRK但其實只是大配角而已... 全片拖拖拉拉,歌舞場面跟故事無甚關係,看足三小時只為推砌結局10分鐘,當時看完心想為何SRK肯接拍這部電影...

說實在,剛好這兩部電影都是我今年看過兩部最不喜歡的Bollywood電影...

如果可以給我選,我希望會是"Rab Ne Bana Di Jodi"及"Rock On!!"~未看過就希望是"New York"~

Agnes Tse 說...

Akshay Kumar雖然識攪笑, 畢竟唔係星爺, 只懂一味扮白痴仔. 佢絕對唔係我心目中的Bollywood Top Ten.

都話Dostana同Rock On!!水準有突, 但唔明HKIFF點解咁鍾意誤導觀眾.

chrono 說...

去年SIFF有四部BOLLYWOOD,今年只選了兩部,仲要揀2008年最唔好睇個套Billu Barber...我都以為會上DOSTANA/RNBDJ呢0的輕鬆愛情小品..再唔係上Jodhaa Akbar都唔錯丫...可能priyanka,abishek係香港仲係nobody...再唔係揀番上次套JAB WE MET都好=.=

可能主辦個個以為有akshay kumar就以為好就揀黎播...但係上套CC2C真係爛到唔恨..今次我比左學生飛錢..希望唔好太爛..
BILLU BARBER?我估主辦以為有DEEPIKA係套戲就揀黎播-.-

Agnes Tse 說...

Chrono: 電影節d攪手真係naive! 佢地想谷人入場, 真係一套Dostana就攪掂哂. 雖然Dostana係誇張d, 但勝在樣樣都有, 笑又得, 感動又得. 睇戲無非想咁!

Deepika Padukone就一定無敵咩? 連Akshay Kumar都算得上係"爛片王". 全世界都知Chandni Chowk to China唔掂... 電影節攪手又只識得Bollywood. 難怪一般人覺得睇印度電影既人, 係低級趣味!