既然提到《通天奇兵》(A-Team), 講個好消息俾大家知. 廿年前《通天奇兵》電視劇大受歡迎, 曾計劃拍攝電影版, 但因為各種問題 (包括主角George Peppard病故) , 最終無法開拍, 成為不少影迷的憾事. 現《通天奇兵》決定開拍電影版, 2010年出爐!
曾有不少外國影迷猜想過A-Team的陣容. 有人認為是佐治古尼飾演"水牛", 畢彼特飾演"霹靂仔" (又係佢地???) , Ice Cube飾演"鈍胎", 甚至是由占基利飾演"喪榮".... 結果通通都不是. 根據IMDB提供的有限資料, 影片將由Joe Carnahan負責執導. 四位主角中, 已扑鎚由Liam Neeson擔演昔日由George Peppard主演的千面老將"水牛"一角, 型男"霹靂仔"由Bradley Cooper (《特務A》、《Kitchen Confidential/廚神》、《收錯愛情風》、 《乜都得先生》) 擔任.
到底《通天奇兵》有幾出名? 連《炸彈頭拿破崙》(Napoleon Dynamite, 2004) 都採用它的Opening Theme當配樂 (拿破崙與同學在學校走廊狂貼競選海報一幕) . 更有人用Lego積木砌出一個Lego版Opening. 喜歡得不得了. 雖然我一向對美國的商業片 (尤其是打到飛起的) 沒有興趣. 如果香港上映《通天奇兵2010》, 我一定會捧場!
《通天奇兵》原裝Opening 1
《通天奇兵》原裝Opening 2
5 則留言:
呀，原來你對d七、八十年代嘅外國片集都幾有研究(如Charlie's Angels, M*A*S*H,通天奇兵等等)，第日會唔會專門開個題講講?
好記得通天奇兵當年係喺亞視播，係少數我細個時候會睇嘅亞視片集(因為當時屋企人只會睇無記)；其實，當年亞視都有好多好嘅外語片睇，例如機靈小和尚、奇天烈百科全書、變形金剛等等。
最後送多段好野你睇:
http://hk.video.yahoo.com/video/video.html?id=23207
Sam
我之前都去光影回憶tv forum同班高人傾計, 佢地年長過我, 勁過我好多. 其實我以前好少睇電視, 但唔知點解覺得有種前世今生既緣份. 咁岩我屋企三代都鍾意睇外國劇集喎.
今晚Prison Break finale啦! 不過仲有兩小時特別版. 我已經知道劇情了...
我以前都有睇通天奇兵片集, 而且都有睇超時空要塞和奇天烈百科全書! 我有個friend話以前香港有做過市川崑劇場, 點解以前有咁多好野睇?
卓倫兄, 久違! 別來無恙乎?
市川崑劇場就係市川崑於70年代在電視台拍攝的片集. 其中一個叫"小旋風紋次郎"(1972).
http://tvpudding.noonhost.com/ee1972-vt158.html
以前的片集好睇, 因為當時的人有腦, 更重要是有心. 現在的, 腦死不特止, 生出來便沒有心!
不過我唔知市川崑劇場係亞視定無線播?
發佈留言