2009年11月22日星期日

家政堂

阿盈還給我們示範了兩個好簡單的小菜,芝士蟹柳卷及焗叉燒。我也循例地問一句,誰教你做這個菜,為什麼做這個菜。她 說﹕以前家政堂教的!我打了一個突。背後傳來老少女的聲音﹕吓?我以前家政堂係教叉燒湯麵。我的實習係將買回來的叉燒,放在湯麵之上。是不是不同band 的學校的家政堂,會有好大的不同?差點又引發我們去討論香港的教育問題。而老少女在湯麵上放上叉燒的家政課程,成為整晚的取樂重心。 (節錄自五湖四海家常菜﹕香港家常菜的承傳 )

初中三年, 必修家政課. 烹飪、縫紉、理論.

想起家政便有點氣. 有邊位家政教師叻得過阿媽? 即使自己做菜式和糕點, 遠比家政教師的指導好. 修家政課, 最痛苦是必須遵照老師的規矩, 不可自由發揮, 識煮飯都變左唔識. 有一次, 遵守指示將奄列煎上一段特定時間, 立即, 變黑. 教育制度也如是. 在此之前, 我一早識得開爐煮餸...

家政課中, 最經典的要算是買罐頭蘑菇湯煮「蘑菇湯」, 煮出來的味道, 足可叫人患上腎病. 家政教師 (她們另有專門負責的學科, 家政不過是「搵多三個鐘」) 一臉傲慢, 將手上的麵包粒灑落油鍋, 道: 「不要在我面前倒掉 (湯), 要倒也請走到洗手間才倒」, 然後施施然撈起她的黑色粒子, 灑在蘑菇湯邊裝飾.

下課後, 所有同學衝往洗手間.

中學不准學生使用洗潔清洗滌肥膩的碗碟 , 只可用冷水沖洗, 間中也可以用有煤氣暖過的熱水. 洗潔清, 是家政教師專用的. 從前我經常說: 教家政的人都是混飯吃的.

後來知道洗潔清留在器皿, 不容易洗掉, 這才不太介懷.

6 則留言:

瑪嘉烈 說...

我以前間學校冇家政,得needle work 堂...
所以成日都幻想,上家政教學cooking,應該好好玩。

匿名 說...

hello... hapi blogging... have a nice day! just visiting here....

Agnes艾麗絲謝 說...

縫紉更加唔駛講. 我記得有個飛女同學, 車左一道之後, 打倒"tun"車多一次!

楊二蚊 說...

我最經典,係菜心炒牛肉。個家政miss set死牛肉要炒足n分鐘,結果我眼白白望住d牛肉由岩岩好煮到變黑—

最恐怖,莫過於佢迫我地食晒自己野。當時借勢食左兩啖,一落堂就衝出去倒。

真係折墮到極

匿名 說...

我e架讀既中學都係咁...
家政堂實在係超黑人憎...
5比用洗潔精..時間又緊迫
老師就用大擺時間...
而且煮完d野又5好味,,side晒d材料!
最後又要比佢串!!

Agnes艾麗絲謝 說...

匿名小姐: 家政老師都唔知點解咁囂士, 一上堂就擺款. 佢地教d野毫不派上用場, 唔知做學生果個無聊, 定係做家政老師既無聊.