角逐區議員一職的前DJ梁安琪, 在傳媒面前斷言社會科學(Social Science) 不入流, 法律才是王道. 一句:"我唔會讀Social Science, 我係讀Law架!" 引來無數人恥笑, 也令我想起同是讀Law、但出色百倍的翁靜晶.
如果在香港要選出一名真正兼備才幹的才女, 翁靜晶認第四, 都無人敢認頭三名. 姑勿論翁女士的私人生活和傳奇經歷, 她的確是個精明的人. 生女後復出做保險, 穩坐最佳從業員的寶座, 原來只為賺錢讀法律. 有雜誌偷拍翁靜晶在港大讀文憑時的情形, 她謝絕打擾, 認真讀書, 還打破學校以來的成績紀錄. 如果是以玩票性質的心態去讀書, 翁靜晶也不會讀到做律師吧! 倘若翁女士在少女時代立志當專業人士, 恐怕今天的成就更高.
眾所周知翁靜晶愛進修. 成為執業律師後自立門戶, 特意到北京法政大學學習大陸法 (獲法學博士), 現在於新加坡攻讀回教法. 翁女士又打算肆業後到中東學習阿拉伯文. 翁靜晶洞悉華文地區缺乏兼備通曉阿拉伯文及西方知識的專才, 果然夠遠見.
相比之下, 梁安琪絕對是讀壞了腦... 諸等醜態, 不談也罷.
伸延導讀:
6 則留言:
點解兩個前女DJ都變得咁醜惡, 一個陳海淇無風起浪搞到我地無"軟硬X達明"睇. 一個粱安琪變左潑婦罵街紅衛兵.
翁女士真係奇人！
丫, 依家區議會選舉辯論好似殘酷一丁咁有娛樂性
我原本都唔係好鍾意陶君行，但係為避免梁安琪呢個政治恐怖份子橫行黃大仙，我會叫我住竹園啲friend投陶君行。
最慘係竹園d公公婆婆, 有部份被"搖擺天使"欺騙出來參選! 極有理由相信梁安琪派餅丫.
安兄：陳海琪點樣我就唔多清楚，梁安琪好明顯唔係為市民服務，單係呢樣野就唔應該俾佢攪攪震落去。
Aulina：有時候翁女士都幾自相矛盾架，而且不時透露自己既顯赫家世。但係我始終認為佢人生最大污點係「金絲雀事件」。而果個林律師亦白白無左條命。
Garrick：政界深諳流行文化力量嘛，聽聞有政客仲拉攏周星馳幫手宣傳添。
李燦榮：基本上我對投票都不存任何希望，次次選親都係民Ｘ聯贏。來屆我決定唔再扮熱血青年，唔會去投票。
發佈留言