放大假前奏

為了應付Final Project, 終於成功申請去年累積的年假.

大概你們會好奇為什麼年假會如此難申請. 不就是因為公司不願放人. 聽聞外頭許多公司一潭死水, 而我工作的機構, 真係日日做到冇停手. 前陣子還天天請人, 全體員工人數更比一年前增加一倍.

其實早在四月前 (稅務年度) 我已考慮放假, 其時計劃放假去跑電影節, 可惜我選擇的場次並不多, 就算放假也是浪費. 當時尚仍未調職的我, 亦為了遷就某同事考試而擱置放假計劃. 碰巧公司接到巨額生意, 上頭下了命令, 不想員工放長假. 於是長假期一拖再拖. (公司曾聲言年假不能累積, 但卻自相矛盾)

現在的上司不再是辦公室小妖, 卻是不摘手段的工作狂人, 為谷數簡直踩行引擎. 唯一可以攞著數的好處是以女仔身份行兇, 麻甩仔都要畏三分.

乜野工會忙成咁? 雖然忙碌, 但錢輪不到我們袋落袋. 我都覺得奇怪, 市況愈差 (其實並不如報導般壞), 人就愈有錢還款... 講到咁, 我相信大家可能估到幾成. 因為工作與自己的性情和興趣大纜扯唔埋, 所以我一向都不提工作情況.

回到Final Project. 有朋友以為那件鐵蜘蛛是完成品. 其實那個只是實驗, 完全係唔經大腦諗出黎的手作仔. 這次學校搬新校舍 (從灣仔合和搬到筲箕灣海旁), 既想畢業學生別開生面, 又想收招生之效, 將畢業展覽推早大半年舉行. 所以我們 (夜校生) 只剩下半個月時間埋尾. 七月中展出, 七月尾收檔. 有同學喊哂口, 亦有日校生想策劃叛變, 與學校分庭抗禮!

至於我份功課, 非三兩日可以完成. 工序需要進行倒模, 考慮到需時數日以上, 才能拆模再造. 申請一整星期絕對不化算, 索性分開兩星期連放三日. 所以這兩個三天假期絕對充實.