近年盡量壓抑對影碟和書本的購買意慾. 在廣州買下一批電影影碟, 一擱便是兩年. 總是沒有心思看完. 多得網友Garrick, 願意和我交流和分享大量電影影碟, 上至舊時代下至新浪潮都有, 因此在影碟方面花費不多. 至於書本, 除了電影書籍外, 對其他書本沒有太大興趣.
一層影碟, 對影迷來說已經是小兒科. 那本《Best Movies of 70's》也只是揭了一陣 (因為不夠Best) . 為了應付英文課而買的《Death and the Penguin》和《 Penguin Lost》就更加...
幾套(老翻) 經典都未曾開封. 上月又買下大島渚Boxset─一套不漏! 叫人點忍手?
衣履飾物方面, 自己不是MK女身材(悲哀!), 也絕少有浪費的情況出現. 只是時下衣服的質料愈來愈差, 一季便捱不下去. 穿了耳孔後, 每月必入新貨, 也頗浪費! 年前趁潮流興, 買下一對Crocs Mary Jane, 經證明後發現鱷魚鞋並不如想像中舒適, 走路時更容易拌倒. 一個冬季後迅速打入冷宮.
近年重新投入看漫畫行列, 架上又積存一批漫畫. 《Lord-霸》和《爆粗Band友》是追看首選. 旁邊的綠色撥盤電話是從鴨寮街淘回來的無用代表作. 最近更發現它只能打出, 不能響鈴. 激死!
壓軸代表. 以上三個Vintage皮袋, 都以極低價搜購回來. 左面是Anya Hindmatch漆皮evening bag, 其原價和實際購買價, 足可嚇死一群《I'm not Plastic Bag》的Plastic Girl; 中下近似70年代流行款式的是「無名氣」真皮斜揹袋; 右上角的LV Tote Bag, 估中價錢者, 今年必行運.
14 意見:
LV Bag?哈哈！雖然不愛名牌，但看到也真的好想知道所費多少！什麼時候開估？
無話幾時開估, 睇下有幾多人估先揭曉啦!
au姐, 你都估埋一份喇^^
呢個題目很有意思
其實我仲有好多東西仍在娘家未搬過來
包括百幾隻印片ＤＶＤ及ＣＤ
一堆價格不算平宜的冬天外套及大褸，
（因為買回來的時候花費破多，
真的不捨得棄掉，
但新居兩年來已經裝滿了新的衣物，
亦無法再拿點空間再安置從娘家搬過來東西）
早前１２月天氣較冷，
我手上有４張乾洗店單據的衣服要拿回來，
攪了一段時間才騰出一點空間，
只足夠數拿３張單據的衣物．
另外一張單都不知何時去拿？
早在大半年前，
因為在大陸工作，
所以買了很多一套套的裙，
那間店是出名出售純棉衣服，
我做了永久ＶＩＰ，
即是，我起碼買了近萬元的衣物了．
幸好，那些款式都沒有年限
幾年後，仍不會過時．
另外，我仲有一個嗜好，
好喜歡買內衣褲
我有三十幾套內衣，
夏天睡裙５－６條
冬天睡衣都有７套，
不知算不算癲？
有關書籍，幸好我不十分喜愛看小說，
但是有關電影書，（包括人民及藝術歷史）
共有四十多本，
而烹飪書都有三十多本，
畫冊有幾十本，
我已經不敢再買了．
最近，我練習瑜伽多了，
又看了有關瑜伽思想的書籍，
我發覺，我以前的生活習慣，
包括情緒及生活方式，
真在太浪費，
真的是資源的浪費，
我的衣服其實都穿不完的．
近３個月，我每星期上瑜伽堂４－５天
學習控制情緒及不要浪費太多能量，
其間，我只有買過兩套瑜伽服而已，
其他的衣服沒買過一件，
因為做瑜伽關係，皮膚亦改善了，
亦不需要化妝，
回復最基本的自然狀態．
其實，過度的虛耗個人的能量，
普通睡眠作息，
身心根本不可能恢復過來的，
一早醒來，身體便會自動向你提出警告了．
其實我想說，
我們是習慣性地浪費了很多資源及能量，
包括空間的浪費．
我唔知個LV tote bag幾多錢, 但我去年睇雜誌睇中個Anya Hindmatch皮手袋, 勁靚勁鍾意, 連Kylie Minogue都有個, 成9,000幾蚊...
個LV tote bag... er... 普通monogram大個啲都要7,000幾, 我估咁vintage的都有番咁上下價錢. 唔通過萬? 不過有時啲vintage嘢又幾正.
我比較鍾意Fendi, Kate Spade... LV呢, 太成熟, 太似街市袋...
我都成櫃書, 以英文偵探小說(Agatha Christie), 精神心理學(Bryan M. Weiss), 文學(Oscar Wilde, Jane Austen, William Shakespeare, L.M. Montgomery), 心靈(self-help), 鬼怪(英國FT推介, 但超級唔恐怖)為主, 買了七八年, 看了十分一不夠. 鬼咩, 查字典都查死我...
又因為讀修中史, 文學, 商科同翻譯, 買了一堆有關書藉, 但就一眼都冇望過...
其實都係一時衝動而買, 有時係想擺滿書櫃, 有啲書卷味有啲書香啫. 冇錯, 我鍾意聞書陣味. 結果, 大掃除時掃出條書蟲.
CD同VCD都買了一堆, 不過就冇乜點播過, 一來冇CD機(只可以用電腦播, 但我用電腦時唔喜歡播CD, 只會聽收音機) 二來阿媽唔俾用電腦睇碟, 話壞眼, 又唔鍾意我响廳部電視睇, 因為嘈住佢打機... 依家電視壞咗, 唔諗住買新, 有排都冇得睇碟囉...
平架呵？嗯嗯嗯……300？
我估ＬＶ Ｔｏｔｏ ｂａｇ只以幾百元，分分鐘唔過五百，因為老闆根本不識名牌！
uh...既然流落二手夜冷店, "貴"極有限. 暫時只可以透露咁多. 繼續估~
o甘就一百元都可以買回來了.
喂喂有幾套吉田喜重有英文字幕啦!! 另外"颱風俱樂部"都有人整左!!
仲有, 大島渚個boxset有無"夏之妹"?? 如果有的話煩請燒一隻過來, thanks!!!
Garrick, 我部腦有技術性問題, 燒唔到碟. 我番去搵下先~ (連"忍者武藝帳"都有呀!!!)
買下的碟....我上星期才看幾年前買的[隔牆花],[其後].分分鐘有四,五年.
在內地見到幾塊錢一只就猛話"正呀, 大師呀, 咩戲? 你唔識0架0勒",回來就放一邊.惰性.
仲係冇人估到個LV幾錢喎! 歲晚開估.
請問你的《Death and the Penguin》和《 Penguin Lost》在哪裏購買？謝謝。
yeung: 《Death and the Penguin》和《 Penguin Lost》, 我到amazon網上訂購的. 香港的page one沒有發售.
張貼意見